Fjellbit Parlaus på boks, heimelaga såpe for husvask, klesvask, flekkfjerning og handreins

Beskrivelse

Fjellbit Parlaus er ei naturleg, allergivenleg og miljøvenleg husholdningssåpe for heimen med 100 % naturlege ingrediensar.

Parlaus såpe blir laga i to variantar: ei fast såpe og ei som er meir flytande. Dette er den meir flytande varianten, ei såpe i “geleform” som kan brukast for naturleg vask av heile huset. Den kan brukast til golvvask, rundvask og klesvask, og er spesielt bra til vask av treverk og andre naturmateriale som bomull, lin og ull.

Såpa kjem i ein konsentrert form som kan brukast direkte, i ei bøtte vatn, eller blandast ut til ei meir flytande såpe.

Såpa eignar seg svært godt som flekkfjernar, både på tekstil og i huset ellers. Ta da da litt såpe på ein klut eller skureskvost/svamp, og gni på flekken. Eller du kan lage din eigen flekkfjernar ved å blande litt såpe med varmt (kokt) vatn og ha på ei spruteflaske.

Parlaus hushaldningssåpe kan også brukast som ein naturleg og miljøvenleg handreins. Såpa tek vekk alt frå olje, kvae og anna smuss.

Den håndlaga såpa blir produsert i fjellbygda i Skjåk, på heimgarden til Fjellbit-gründer Ragnhild.

“Parlaus” er eit dialektord som i den lokale ordlista er forklara med “makelaus” eller som “utan like”. Det er ganske beskrivande for denne super-såpa som du kan bruke til nesten alt!

Bruksområde

• Hushaldningssåpe
• Flekkfjerning
• Rundvask
• Golvvask
• Klesvask
• Oppvask
• Handrens

Produktfordelar

• Vaskar reint utan farlege kjemikaliar
• 100 % naturlege ingrediensar
• Allergivenleg
• Miljøvenleg
• Skånsom, men effektiv flekkfjerning
• Konsentrert såpe som gir mindre frakt av vatn
• Kortreist produkt frå norsk småskalaprodusent

Ingrediensar

• Kokosolje

Parlaussåpa inneheld ingen parfymer eller essensielle oljer, noko som gjer at såpa luktar kun naturleg såpe. Såpa er handlaga og utan tilsetjingsstoff og kan derfor sjå litt ulik ut i farge og tekstur.

Vekt: ca 200 gram